අතරමං කලා නැවත නුඹ...

නොසිතූ වෙලාවක
සැලසුම්ගත විරාමෙක...
නගරෙක
තැනෙක
ශාලාවක...
දෙසට පියමැන පුරුදු දෙනයන
මත් කලා නැවත
මගේ සිත...
නුරා සුපුරුදු 
මං තලාවෙක
අතරමං කලා
නැවත නුඹ...

පළිඟු නිරුවත විනිවිද...

පළිඟු නිරුවත
විනිවිද...
සීරු මාරුවට
එකා පසුපස...
හැල්මේ දුවන
තොපි නිසා!
අසම්මත ආදරය...
අසම්මත ආදරිය...
අමතක උනු
අරුමය...
මිටි එකා
උස එකා
උස හීනි එකා
අහුවෙයවු
මට!

නුඹව හැර මෙලෝ සියල්ල අමතක වන අරුමය...

කලබල හිතට... 
නුඹව හැර
මෙලෝ සියල්ල
අමතක වන
අරුමය...
මතක මාලිගයේ
නොමැති නැති තැන
නුඹ...
පොත පත තතු
තිබිය යුතු තැන!...

සිසිර නිද්‍රාවේ යලිදු වෙලෙන්නට අවසර, මට...

හිරු නැතිමුදු සඳ බබලන...
වළා නැතිමුදු මල් වැහි වස්සන...
වෙරළ නැතිමුදු රළ බිඳිති නගන...
හිරු පෙර නැතිමුදු ගගන පිස දේදුනු ඇඳෙන...
සෙනෙහස නැතිමුදු නුරා සිනා නංවන...
ආදරණීය සිහිනය
එක්ව මැවූ සිහිනයෙන් අවදිව...
මා ද, අවදිකල
අසංවෙදී ලියතඹරාව...
සිසිර නිද්‍රාවේ යලිදු වෙලෙන්නට
අවසර...
මට...

සීගිරි facebook ගීය...

දිමති දෙනයන සරාගී රූ සිතුවම දුටිමි. - බොහො දෙනා Comment කර  Like කර ඇති බැව් ද දුටිමි.
Like කරනට Comment කරනට සිතීමි. - නමුදු මා In a Relationship නුඹ සමග නොවූවෙන් Log Out වීමි.

සීමාවේ හැරවුම...

අසම්මතව පෙම් කළෙමි
නුඹද
මමද
එය දන්නා වග දනිමි...
සීමාවේ හැරවුම
අසීමාන්තික රිදවුම
විඳිමි
විඳවමි
පෙර දා රාත්‍රිය...

අනුරාගය නුඹ...

සුරැකිව රකිමි තත්පරය
සුරැකිව රැකිය නුහුනු තැන 
නුඹ...
අහින්සක ආශාවෙන්
බුරා නැගෙන රාගයෙන්
මත්ව...
සිත ඉඟි කරයි
වත මන යොමයි
ලොල්ව...
අවාරයට පිපි
නෙලාගත නොහී
අනුරාගය
නුඹ...